वीरगंज,२३ जेठ। मधेश प्रदेश सरकारले आर्थिक वर्ष २०८२/८३ को जेठ २१ गतेसम्म कुल विनियोजित बजेटको १९.४ प्रतिशत मात्र खर्च गरेको छ।
प्रदेश सरकारको वित्तीय विवरणअनुसार चालु आर्थिक वर्षका लागि विनियोजित ४६ अर्ब ९८ करोड ३३ लाख ५१ हजार रुपैयाँ बजेटमध्ये हालसम्म ९ अर्ब ११ करोड ९५ लाख ७५ हजार रुपैयाँ खर्च भएको अर्थ मन्त्रालयले जनाएको छ।
खर्च विवरणअनुसार चालुतर्फ ५ अर्ब ३२ करोड ४४ लाख ८४ हजार रुपैयाँ तथा पुँजीगततर्फ ३ अर्ब ७९ करोड ५० लाख ९१ हजार रुपैयाँ खर्च भएको अर्थमन्त्री युवराज भट्टराई ले जानकारी दिएका छन्।
अर्थ मन्त्रालयका अनुसार जेठ १३ गतेसम्म कुल खर्च ८ अर्ब ७५ करोड ७६ लाख १४ हजार रुपैयाँ रहेको थियो। जेठ २१ गतेसम्म आइपुग्दा खर्चमा करिब ३६ करोड २० लाख रुपैयाँ वृद्धि भएको देखिएको छ।
यस अवधिमा चालु खर्च करिब ९ करोड ७४ लाख रुपैयाँ तथा पुँजीगत खर्च करिब २६ करोड ४६ लाख रुपैयाँ ले वृद्धि भएको मन्त्रालयले जनाएको छ।
